கேரட் அல்வா

மிகவும் சுலபமாக செய்யக்கூடிய இந்த கேரட் அல்வா சுவையும் சத்தும் நிறைந்தது. குழந்தைகளுக்கு அடிக்கடி செய்துக் கொடுக்கலாம். விருந்துகளில் பிரியாணி, நெய் சோறு வைக்கும்போது (பச்சடி போன்று) பக்க உணவாகவும் இதை வைப்பார்கள்.


தேவையான பொருட்கள்:

கேரட் - 300 கிராம்
பட்டர் - 200 கிராம்
கன்டன்ஸ்டு மில்க் - சுமார் 50 மில்லி
சீனி - 300 கிராம்
சுகர் இல்லாத கன்டன்ஸ்டு மில்க் - 1 டின் 
உருக்கிய பசு நெய் - 2 டீஸ்பூன்
உப்பு - 1 பின்ச்

செய்முறை:

கேரட்டை தோல் சுரண்டி கழுவிய பிறகு பொடிதாக‌ துருவிக் கொள்ளவும்.

வாணலியில் துருவிய கேரட்டையும் பாதி பட்டர் மற்றும் உப்பு சேர்த்து மிதமான தீயில் வதக்கவும்.

கேரட் நன்கு வதங்கிய பிறகு சீனியைச் சேர்த்து கிண்டவும்.

சீனி உருகி சேர்ந்து வரும்போது மீதியுள்ள பட்டரைச் சேர்த்து தீயாமல் கிண்ட‌வும். (விரும்பினால் முந்திரிப் பருப்பும் சேர்க்கலாம்)

இப்போது சுகர் இல்லாத கன்டஸ்டு மில்க் சேர்த்து, வற்றும்வரை மெதுவாக கிண்டவும்.

எல்லாம் ஒன்று சேந்தவுடன் கன்டஸ்டு மில்க் ஊற்றி கிளற‌வும்.

இப்போது வாணலியில் ஒட்டாமல் திரண்டுவரும் பதம்வரை கிண்டவும்.

பதமாக திரண்டு வந்தபிறகு உருக்கிய பசுநெய் சேர்த்து கிளற‌வும்.

மிகவும் சுவையான கேரட் அல்வா தயார்!

குறிப்பு:‍- 


- கன்டஸ்டு மில்க் சேர்த்த பிறகும் இனிப்பு சுவை கூடுதலாக தேவைப்பட்டால் உங்கள் தேவைக்கு சீனியோ அல்லது கன்டஸ்டு மில்க்கோ சேர்த்துக் கொள்ளவும்.

- முந்திரிப் பருப்பை நெய்யில் வறுத்தும் சேர்க்கலாம். முந்திரிப் பருப்பு இல்லாமலும் செய்யலாம்.

பிற்ச்சேர்க்கை:- இந்த குறிப்பு "என் இனிய இல்லம்"-'பார்ட்டி ஸ்நாக்ஸ்' சமையல் போட்டிக்கு அனுப்பி வைக்கப்பட்டுள்ளது.