பொய் சொல்லி வாழ்ந்தவர் இல்லை! (எதிர்ப் பதிவு)

 இந்தியா சுதந்திரம் அடைவதற்கு முன் நடத்தப்பட்ட கணக்கெடுப்பான‌ சமூக, பொருளாதார மற்றும் சாதிவாரி கணக்கெடுப்பு, (சுமார் 80 வருஷங்களுக்குப் பிறகு) இப்போது இந்திய நாடு முழுவதும் நடத்தப்பட்டு வருவது நாமறிந்ததே! அதுபற்றி வெளியிடப்ப‌ட்ட‌ ஒரு விழிப்புணர்வு கட்டுரையைப் படித்துச் சென்ற‌வர்களில் ஒருவரான சகோதரர் கோவி. கண்ணன், அதன் உண்மை நிலைத் தெரிந்தும் வேண்டுமென்றே இருட்டடிப்பு செய்யும் வண்ணமாக சமீபத்தில் எழுதிய தன்னுடைய பதிவொன்றில் தவறான ஒரு கருத்தைக் குறிப்பிட்டுள்ளார். அதுபோல் இன்னொரு சகோதரரும் நம் பதிவின் பின்னூட்டத்தில் அறியாப் பிள்ளைபோல் கருத்து தெரிவித்திருந்தார். அவர்கள் இருவருக்கும், இன்னும் இதுபோன்று ஒன்றுமில்லாத வெறும் வாய்க்கு அவல் மெல்லுபவர்களுக்கும், அதற்கு 'ஆமா சாமி' போடுபவர்களுக்கும் இந்தப் பதிவு சமர்ப்பணம்! (என்னுடைய பதிவுலக வாழ்க்கையில் இதுதான் முதல் 'எதிர்ப் பதிவு'/'மறுப்பு பதிவு' என்பதையும் இங்கே குறிப்பிட விரும்புகிறேன்.)

 முதலில் ச‌கோதரர் கோவி. க. அவர்களின் பதிவில் கூறியுள்ள செய்தியைப் பார்போம்.

//1) ஷேக்
    2) சையது
    3) தக்னி முஸ்லிம்
    4) அன்சார்
    5) தூதுகோலா
    6) லெப்பை, ராவுத்தர், மரைக்காயர்
    7) மாப்பிள்ளா

என 7 சாதியினராக முஸ்லிம்கள் வகைப்படுத்தப்பட்டுள்ளனர்.

(நன்றி அஸ்மா)

இந்திய சாதிகள் தலித்துகளை மிகவும் தாழ்வாக நடத்துகிறார்கள் என்பது ஒப்புக் கொள்ள வேண்டிய உண்மை தான். அவர்கள் இஸ்லாமுக்கு மாறி ஒன்றும் மேம்படவில்லை, என்பதை ரசூல் போன்றவர்கள் எழுதியுள்ளனர்.//

சகோதரரே! யாரென்றே சரியான அறிமுகம் இல்லாதவர்கள் எந்தவொரு அடிப்படை அறிவும், எத்தகைய‌ ஆதாரமும் இல்லாமல் எழுதி வைத்திருப்பதை மட்டுமே உங்களுக்கு ஆதாரமாக எடுத்துக் கொள்ளமுடிகிறது. பாவம்...! இஸ்லாத்தின் சாதிப் பிரிவுகளுக்கும், ஏற்றத் தாழ்வுகளுக்கும் நீங்கள் எங்கேதான் போய் தேடுவீர்கள் ஆதாரத்தை? நாங்கள் பின்பற்றும் குர்ஆனிலோ, ஹதீஸ்களிலோ உங்களால் ஆதாரத்தைக் காட்ட இயலாதபோது, உங்களின் வெறும் வாய்க்கு அவலாக... ஐந்தடி (நடைபாதை)க் கடைகளில் கிடைக்கும் அதுபோன்ற புத்தகங்கள்தான் உங்களுக்கு கைக் கொடுக்கும். ஆனாலும் அதை வைத்து நடுநிலையாக/நேர்மையுடன் சிந்திக்கும் மக்களிடம் 'இஸ்லாத்திலும் சாதிகள் உண்டு' என என்னதான் மத்தாப்பு காட்டினாலும் அது புஸ்வானமாகிப் போகும் என்பதை மறந்துவிடாதீர்கள்! தவிர அத்துடன் எங்க‌ளையும் ஆதாரத்துக்கு சேர்த்துக் கொண்டு, இப்படி ஒரு தனி பதிவே போட வைத்து விட்டீர்கள்.

உலக மக்கள் அனைவரும் நலம் வாழ இஸ்லாம் மார்க்கம் எவ்வளவு அருமையான கொள்கைகளை, கொட்டும் அருவியாக‌ மக்களுக்கு கொடுத்துக் கொண்டிருந்தாலும் அத்தனையையும் உள்வாங்கிக் கொண்டு வேண்டுமென்றே இஸ்லாத்தின் மீது சேற்றை வாரி இறைப்பதற்காக இப்படி 'மொட்டைத் தாத்தா குட்டையில் விழுந்தான்' என்ற கதையாக அந்தப் பதிவின் ஒரு சின்ன பகுதியை மட்டும் கட் பண்ணிப் போட்டு, "நன்றி அஸ்மா"ன்னு குறிப்பிட்டால், இஸ்லாத்தில் சாதிகள் உள்ளதென்று நிரூபித்து, மக்களை நம்பவைத்து விட்டீர்கள் என்று பகல் கனவு காணாதீர்கள் சகோதரரே! இது உங்களுக்கு தேவையில்லாத வேலை. உங்களுக்கும் அந்தப் பதிவுக்கும் சம்பந்தம் இல்லாதபோது படித்துவிட்டு நீங்கள் போய்க்கொண்டே இருக்கலாம்! அல்லது அதுபற்றி எங்களிடம் கேட்டு தெளிபடுத்தியிருக்கலாம்.

சரி.. 'நன்றி'ன்னுதான் குறிப்பிட்டீர்கள். அந்த நன்றியை TNTJ.NET தளத்திற்கு அல்லவா நீங்கள் சொல்லியிருக்கவேண்டும்? அது அவர்களின் ஆக்கம் என்று அந்தப் பதிவில் சொல்லியிருந்ததை உண்மையாகவே நீங்கள் பார்க்கவில்லையா? உங்கள் நன்றிக்கு தகுதியானவர்கள் அவர்கள் இல்லையா? அந்தக் கட்டுரைக்கு கீழே,

"tntj.net தளத்தில் வெளிவந்த‌ இந்தக் கட்டுரை அவசியமானதொரு விழிப்புணர்வு கருதி இங்கே பகிரப்பட்டுள்ளது. தக்க சமயத்தில் தேவையான விழிப்புணர்வு தந்த TNTJ வுக்கு நன்றிகள்!" என்று தெளிவாக குறிப்பிட்டிருந்தும் நீங்கள் ஏன் அவர்களுக்கு நன்றி சொல்லவில்லை? ஓ... அவர்களை 'வஹ்ஹாபி', 'வஹ்ஹாபி' என்று ஓயா புலம்புவீர்களே... அந்த எஃபக்டோ..?!! :)

//இஸ்லாமில் சாதிகள் உண்டு என்ற உண்மையை சொன்னதிற்காக அஸ்மா என்பவரின் பதிவுக்கு மைனஸ் வாக்கும் குத்தியுள்ளார்கள். பிளஸ் 5மட்டுமே. ஏக இறைவன் உங்களுக்கு அது தருவான் இது தருவான் என்ற புகழ்பாடும் பின்னோட்டங்களுமில்லை.//

இது உங்களின் பதிவுக்கு உங்களைப் போன்ற ஒருவர் இட்ட பின்னூட்டம். இந்த பின்னூட்டத்தைப் பார்த்து வெற்றுச் சிரிப்பும், இதுபோன்றவர்களின் அறியாமையை எண்ணி பரிதாபமும் மட்டுமே வந்தது. முதலில் ஒன்றைப் புரிந்துக் கொள்ளுங்கள்! மற்றவர்கள் புகழ்பாடும் பின்னோட்டங்களுக்காக நாங்கள் எந்த பதிவையும் எழுதுவதில்லை. அப்படி நீங்கள் சொல்வதுபோல் 'ஏக இறைவன் எங்களுக்கு அது தருவான் இது தருவான்' என்று யாரும் சொன்னாலும் அது எங்களுக்குக் கிடைத்த ஒரு பிரார்த்தனை என்ற அடிப்படையில் சந்தோஷப்பட்டுக் கொள்வோம், அவ்வளவே! ஏன்... எத்தனையோ மாற்றுமத சகோதரர்களைக்கூட அதற்கு தகுதியான இடத்தில் அதுபோல் நாங்கள் வாழ்த்தி, பிரார்த்திப்பதில்லையா? ஆக பிரார்த்தனைக்கும், புகழ்பாடுதலுக்கும் கூட‌ உங்களுக்கு வித்தியாசம் தெரியவில்லை!

அடுத்து, இதற்கு முன் அவரின் பின்னூட்டத்தில் சொன்னதுதான் செம ப்ளஸ் பாய்ண்ட்! "இஸ்லாமில் சாதிகள் உண்டு என்ற உண்மையை சொன்னதிற்காக அஸ்மா என்பவரின் பதிவுக்கு மைனஸ் வாக்கும் குத்தியுள்ளார்கள்" என்ற வரிகளைக் கவனியுங்கள் நடுநிலையாளர்களே! இதிலுள்ள சூட்சுமம் மேலோட்டமாகப் பார்ப்பவர்களுக்கு புரியாது என்பதால், அதனை ஸ்டெப்-பை-ஸ்டெப்பாக பார்ப்போம் :)

//இஸ்லாத்தில் சாதிகள் கிடையாது என்பது நூற்றுக்கு நூறு உண்மை. இந்த உண்மை முஸ்லிமல்லாதவர்களுக்கு நன்கு தெரியும். அதனால்தான் இஸ்லாத்தை நோக்கி மக்கள் அணி அணியாக வருகிறார்கள்.//

//இஸ்லாத்தில் சாதிகள் இல்லை. அதனால் முஸ்லிம்களுக்கு சாதி ரீதியான இடஒதுக்கீடு கொடுப்பது சரிப்படாது. எனவே அவர்களுக்கு மத ரீதியில் மட்டுமே இட ஒதுக்கீடு வழங்கப்படும் என்று அரசியல் அமைப்புச் சட்டத்தில் விதி செய்யப்பட்டிருந்தால் இஸ்லாத்தில் இல்லாத சாதிகளை குறிப்பிடும் அவசியம் இன்று முஸ்லிம்களுக்கு ஏற்பட்டிருக்காது.//

இவை அந்தக் கட்டுரையில் டார்க் எழுத்தில் குறிப்பிடப்பட்டு இருந்தவை. (இப்போது ஹைலைட் பண்ணியும் கொடுத்தாச்சு.) 

அந்தக் கட்டுரையின் நோக்கம், தற்போது நடந்துக் கொண்டிருக்கும் கணக்கெடுப்பின்போது இஸ்லாமிய மக்கள் எவ்வாறு செயல்பட வேண்டும் என்பதற்கான விழிப்புணர்வினை ஏற்படுத்தவே! 'இஸ்லாத்தில் சாதிகள் உள்ளனவா? இல்லையா?' என்பதை சொல்லும் கட்டுரைய‌ல்ல அது! அப்படியிருந்தும் மேலே குறிப்பிட்டுள்ள அந்த இரண்டு பேராக்களும் (இதுபோன்ற ஆட்களுக்கு சொல்லவேண்டிய அவசியத்தினால் கூட இருக்கலாம்) அங்கு இடம் பெற்றிருந்தன. அதைப் படித்தும் படிக்காததைப் போன்று, "இஸ்லாமில் சாதிகள் உண்டு என்ற உண்மையை சொன்னதிற்காக..." என்று எந்தளவு அப்பட்டமாக வாய்கூசாமல் பொய் சொல்ல முடிகிறது?!

"பொய் சொல்லி வாழ்ந்தவருமில்லை; மெய் சொல்லித் தாழ்ந்த‌வருமில்லை!"  மறந்துவிடாதீர்கள்!

சரி.., உங்களின் கூற்றுப்படியே இஸ்லாமில் சாதிகள் உண்டு என்ற உண்மையை (?) சொன்னதற்காக அந்த‌ பதிவுக்கு மைனஸ் வாக்கு குத்தியுள்ளார்கள் என்றால், அந்த 3 மைனஸ் ஓட்டுகளையும் குத்தியவர்கள் யார்? saarvaakan, alexm, punter அல்லவா? இஸ்லாமிய மக்களின் விழிப்புணர்வுக்காக‌ எழுதப்பட்ட ஒரு கட்டுரை அனைத்து இஸ்லாமிய மக்களிடமும் சென்றடைய வேண்டும் என்பதற்காகவே எல்லா திரட்டிகளிலும் இணைக்கப்பட்டது. அங்கு விழும் வோட்டு முக்கியமல்ல! ஆனால் மைனஸ் வோட்டின் மூலம் இத்தகைய விழிப்புணர்வு இஸ்லாமிய பொதுமக்களை அடையக் கூடாது என்பதால் மைனஸ் குத்தி, அந்தப் பழியும் இஸ்லாமிய சகோதரர்கள் மீது போடப்பட்டுள்ள‌து! இந்த ஒரு தளத்தில் மட்டும் அந்த விழிப்புணர்வு பதிவு வந்திருந்தால் அவர்கள் செயலில் ஓரளவு வெற்றி பெற்றிருக்கலாம். விழிப்புணர்வு கருதி பல தளங்களிலும் இதையே பிரசுரித்திருந்தார்களே? அதைத் தடுக்க முடிந்ததா அவர்களால்? காட்டாற்று வெள்ளத்திற்கு அணை போட முடியாது சகோதரர்களே! :)

அதற்கு +/- போட்டவர்கள் யார் என்பதை பார்க்காமல் அலட்சியமாக இருந்த எங்களை, "உண்மையை சொன்னதற்காக அந்த‌ பதிவுக்கு மைனஸ் வாக்கு குத்தியுள்ளார்கள்" என்ற பின்னூட்டமே அந்த 'மைனஸ் மகான்க‌ள்' யார் எனத் திரும்பிப் பார்க்க வைத்தது. சமீப காலமாக‌ தொடர்ந்து அபாண்டமாக குற்றம் சாட்டப்படும் பதிவுலக இஸ்லாமியச் சகோதர/சகோதரிகள் தேவையில்லாத இதுபோன்றவற்றில் ஈடுபடமாட்டார்கள் என்பதற்கு இதில் கண்ட உண்மை இன்னுமொரு சாட்சியாக அமைந்துள்ளது :-) எல்லாப் புகழும் இறைவனுக்கே! (அந்தப் பின்னூட்டத்தில் கிடைத்த 'ப்ளஸ் பாய்ண்ட்' என்று இதைதான் குறிப்பிட்டேன்.)

சகோ கோவி.க. வேறு அந்த பின்னூட்டத்திற்கு சொன்ன பதிலில், "இவங்க நம் கண் முன் ஆடும் தாண்டவங்களைப் பார்க்கிறோம்..." என நம்மீது என்னவொரு அக்கறையை (?) அள்ளிக் கொட்டுகிறார்!! தமிழ்மணத்தில் விழும் வோட்டுக்களையும், மகுடத்திற்கு வரும் பதிவுகளையும் தவறாமல் கவனித்து ஸ்க்ரீன் ஷாட் எடுத்து விள‌க்கும் அவருக்கு, மைனஸ் ஓட்டுக்களைப் போட்டது யாரென்று புரியாதா என்ன? அங்கேயும் ஒரு ஸ்க்ரீன் ஷாட் போட்டு, பின்னூட்டமிட்டவரின் கருத்தை மறுத்திருக்கலாமே? ஆக, உங்களின் நோக்கம் எப்படியாவது இஸ்லாமிய சகோதர/சகோதரிகள் மீது வீண்பழியைப் போட்டாவது இஸ்லாத்தைக் கொச்சைப் படுத்தவேண்டும் என்பதுதான்!! 

இஸ்லாத்தை வேண்டுமென்றே விமர்சிக்கும் சகோதரர்களே! உங்களின் விமர்சனங்கள், "இஸ்லாம்" குறித்து நீங்கள் நிறைய‌ தெரிந்துக்கொள்ள வேண்டியுள்ளது என்ப‌தைதான் காட்டுகிறது. நீங்கள் இஸ்லாத்தை விமர்சிப்பதற்கு அட்லீஸ்ட்... அந்த‌ தகுதியையாவது நீங்கள் பெற்றிருக்க வேண்டாமா? அதற்காகவாவது இஸ்லாத்தின் மீதுள்ள‌ உங்களின் காழ்ப்புணர்ச்சியை கொஞ்சம் ஓரமாக‌ வைத்துவிட்டு, நாங்கள் பின்பற்றும் குர்ஆனையும், ஹதீஸையும் நேர்மையான கண்கொண்டு படித்துப் பாருங்கள். அதற்கு பிறகு விவாதித்து, உங்களின் கருத்துக்களைப் பதிவிடுங்கள். இல்லையேல் "இரும்பு எடுத்த கையும், சிரங்கு பிடித்த கையும் சும்மா இருக்காது" என்பதுபோல் எதையாவது எழுதிக் கொண்டிருங்கள். அத‌னால் எங்களுக்கு எந்த நஷ்டமுமில்லை. உங்களுக்கும் நேரம் போகணும்ல..!