அஸ்ஸலாமு அலைக்கும்! இங்கு வருகைத் தரும் உங்களை அன்போடு வரவேற்கிறேன்!

Tuesday, 17 August 2010

8 மனிதப் படைப்பின் நோக்கம்

மனிதனால் உருவாக்கப்படும் அனைத்து சாதனங்களுக்கும் அதன் நோக்கம் விலாவாரியாக பேசப்படுகின்றது. இன்றைய விஞ்ஞான உலகில் தினமும் ஒவ்வொரு புதிய பொருள் கண்டுபிடிக்கப்படுவதையும் அதன் நோக்கம் பற்றி பேசப்படுவதையும் தினசரி ஊடகங்கள் நம் சிந்தனைக்கு கொண்டு வரத்தான் செய்கின்றன. ஆனால் மனிதன் படைக்கப்பட்ட நோக்கம் பற்றி மட்டும் ஏன் தான் இந்த மனித இனம் சிந்திக்காமல் இருக்கின்றதோ நமக்குத் தெரியவில்லை!

இன்னும் ஒரு விஷ‌யம் என்னவென்றால், ஏதாவது ஒரு பொருள் உருவாக்கப்பட்டு அதன் எதிர்பார்ப்பு அல்லது நோக்கம் நிறைவேறாதபோது அது ஓரங்கட்டப்படுவதையும் நாம் கண்டு கொண்டுதானிருக்கிறோம். எனவே நிச்சயமாக மனிதப்படைப்பிற்கு ஒரு உயர்ந்த நோக்கம் இருக்கத்தான் வேண்டும் என்பதனை உலக நடப்புகளே நமக்கு உணர்த்துகின்றன.

உலகில் ஒவ்வொரு கோட்பாடும் மனிதப் படைப்பின் நோக்கம் பற்றி பல்வேறுபட்ட காரணங்களைக் கூறுகின்றன. உதாரணமாக சில கோட்பாடுகள், கடவுள் விளையாடுவதற்காகத்தான் மனிதனைப் படைத்ததாகக் கூறுகின்றது. இதைத்தான் "கடவுள் இரண்டு பொம்மையைச் செய்தான் தான் விளையாட; அவையிரண்டும் சேர்ந்தொரு பொம்மையைச் செய்தன தான் விளையாட" என்று ஒரு தமிழ்க் கவிஞர் பாடியிருக்கிறார். இவ்வாறு தான் ஒவ்வொரு சித்தாந்தமும் பல்வேறுபட்ட கருத்துக்களைக் கூறிக் கொண்டிருக்கின்றன.

ஆனால் மனிதன் ஏன் படைக்கப்பட்டான்? என்ற கேள்விக்கு இஸ்லாம் பின்வரும் ஓர் உயர்ந்த நோக்கத்தைக் குறிப்பிடுகின்றது.

قال تعالى : وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ

“இன்னும், ஜின்களையும், மனிதர்களையும் அவர்கள் என்னை வணங்குவதற்காகவேயன்றி நான் படைக்கவில்லை” (அல்குர்ஆன் 51:56)

என மனிதனைப் படைத்த அல்லாஹ், மனிதன் படைக்கப்பட்ட நோக்கத்தை இவ்வாறு கூறுகிறான்.

ஒவ்வொரு மனிதனது சிந்தனையும், எண்ண ஓட்டங்களும் வேறு படுவதாலும், அடிக்கடி அவனது சிந்தனை மாறுபடுவதாலும், கால ஓட்டத்தினால் உலகில் பற்பல மாற்றங்கள் உருவாதலினாலும் மனிதனுக்கு ஒரு நடுநிலையான, தொடர்ச்சியான வழிகாட்டுதல் எப்போதும் தேவைப்பட்டுக் கொண்டே இருக்கின்றன. அதனால் மனிதனைப் படைத்த அல்லாஹ் அந்த மனிதன் வழி தவறாமல் இருப்பதற்காக எல்லாக் காலங்களிலும் தனது தூதர்களை அச்சமூகங்களில் இருந்து தேர்ந்தெடுத்து, அவர்களுக்கு தனது இறைச் செய்திகளைக் கொடுத்து அனுப்பி நேர்வழி காட்டி இருக்கிறான்.

இந்த சங்கிலித் தொடரான வழிகாட்டுதல் இல்லாமல் போகின்ற போதுதான் மனிதன் மிருகத்தைவிட மோசமான நிலைக்குப் போவதையும், மிருகத்தை விட கீழ்த்தரமான வாழ்க்கையைத் தேர்ந்தெடுப்பதையும் பார்க்கின்றோம். இதனைக் குறிப்பாக மேற்கத்திய நாடுகளில் கலாச்சாரம், நவீனம், புதுமை என்ற பெயர்களில் சில கூட்டத்தினரையும், அதே போன்று பிறந்தது போலவே வாழ்வோம் என்ற கொள்கையில் நிர்வாண கோலமாக வாழ்ந்து கொண்டு எயிட்ஸ் நோயைத் தோற்றுவிக்கும் HIV கிருமிகளை உலகுக்கு ஏற்றுமதி செய்து கொண்டு வாழ்வதையும் பார்க்கின்றோம். சகிக்க முடியாத இந்த வாழ்க்கை முறை சமூகத்தை சாக்கடைக்குக் கொண்டு செல்கின்றன. இது ஒரு எடுத்துக்காட்டாகும்.

மனிதன் உலக வாழ்க்கையிலும் உயர்ந்த நிலையில் வாழ்ந்து மறுமையிலும் உயர்ந்த வாழ்க்கையாகிய சுவனச் சோலையைச் சுவீகரித்துக் கொண்டவனாக மாறவேண்டும் என்பதுதான் அல்லாஹ்வின் நோக்கமாகும்.

மனிதன் ஏன் படைக்கப்பட்டான்? என்ற கேள்வியை மக்கள் மன்றத்தில் வைத்தோமானால், ஒவ்வொருவரும் ஒவ்வொரு விதமாக பல்வேறுபட்ட கோணங்களில் பதில்களை முன்வைப்பார்கள். அதேபோன்று மனிதனுக்கு மட்டும் ஆறறிவு கொடுக்கப்பட்ட நோக்கம் என்ன? என்று கேட்டால் அதற்கும் பல்வேறுபட்ட காரணங்களையும் நோக்கங்களையும் கூறுவார்கள். உதாரணமாக, இந்த உலகில் மிகவும் அழகாக வீடு, வாசல்களை உண்டாக்கி வாழ அல்லது வாழ்க்கை முடியும் வரைக்கும் நல்ல நல்ல உணவுகளைக் கண்டு பிடித்து உண்டு உயிர் வாழ அல்லது பற்பல சாதனைகளை நிகழ்த்த என்று அடுக்கிக் கொண்டே போவார்கள்.

உண்மையில் நாம் நிதானமாக, நடுநிலைத் தன்மையோடு சிந்தித்தால், இது போன்ற காரணங்கள் அனைத்தும் முழுமையற்ற, மேலோட்டமான காரணங்களாகும் என்பதனை உணர்ந்து கொள்ள‌லாம். ஏனெனில் மேற்கூறப்பட்ட காரணங்களை உள்ளடக்கிய அனைத்துப் பணிகளையும் மனிதனல்லாத மிருகங்கள், பட்சிகள், ஊர்வன போன்ற அனைத்தும் தினமும் செய்து கொண்டுதான் இருக்கின்றன. இது போக சில படைப்பினங்கள் மனிதனை விடவும் மிக நேர்த்தியாக, பிறர் உதவியில்லாமல் தமது காரியங்களையும் முறையாக நிவர்த்தி செய்து கொள்வதையும் நாம் பார்க்கத்தான் செய்கின்றோம்.



உதாரணமாக, பறவைகளில் தூக்கனாங்குருவியைப் போல் நம்மால் மிகமிக நுட்பமாக கூடு கட்டவே முடியாது! அதன் கூடு மெல்லிய நார்களினால் பின்னப்பட்டது. காற்றில் ஆடியவாறே தொங்கிக் கொண்டிருக்கும். மழையில் கூட நனையாது! எத்தனை ஆரோக்கியமான அறைகள்! முட்டையிட்டு அடைக்காப்பதற்கு ஏற்ற முறையில் ஒரு தனியறை, முன் வாயிலறை, ஆண் குருவிக்கு வேறு அறை!! இது மட்டுமா இரவு நேரங்களில் சூடற்ற குளிர்ந்த மின்விளக்குகள்! மின்மினிப் பூச்சிகளைப் பிடித்து வந்து கூட்டினுள் ஒட்டி வைத்து விடும், அது இறந்து விட்டால் வேறொன்றைப் பிடித்து வந்து ஒட்டி வைத்து விட்டு இறந்து போன பூச்சியை அகற்றி விடும். மனிதன் கூட தற்போது தான் மின் விளக்குகளைக் கண்டுபிடித்தான்.

இவ்வாறு அனைத்து உயிரினங்களும் உயிர் வாழ்கின்றன, இனப்பெருக்கம் செய்கின்றன, பிறர் தேவையற்று தத்தமது தேவைகளை நிறைவேற்றுவனவாகத்தான் இருக்கின்றன. மனிதன் மட்டும் தான் மிகவும் பலவீனமுள்ளவனாகவும், பிறர் உதவியில் தங்கியிருப்பவனாகவும் காலத்தைக் கடத்துகின்றான்.

எனவே, நாம் கட்டாயம் சரியாகச் சிந்திக்கக் கடமைப்பட்டுள்ளோம். உதாரணமாக, ஒரு சாதாரன பேனா வாங்கப் போனாலும் கூட நன்றாக நமது மூளையை உபயோகித்துத்தான் அந்தப் பேனாவை வாங்குகின்றோம். இந்தப் பேனா சிறந்ததா? இந்த நாட்டு உற்பத்தி சிறந்ததா அல்லது வேறு நாட்டு உற்பத்தி சிறந்ததா? கருப்பு நல்லதா நீலமா? என்று எத்தனை எத்தனை கேள்விகளைக் கேட்டு வியாபாரியைக் குடைகிறோம். அத்தோடு எழுதிப் பார்ப்பதற்கும் தவறுவதில்லை. சில நேரங்களில் அந்தப் பேனா எழுதாமல் போனால் கடைக்காரனிடம் திரும்பிப்போய் மாற்றிக்கேட்கிகிறோம்.

ஒரு பேனாவுக்கு நாம் கொடுக்கும் முக்கியத்துவம் கூட, நமக்கும் ஏக தெய்வத்திற்கும் இடையே இருக்கும் நிஜமான தொடர்பு பற்றித் தெரிந்துக் கொள்வதற்குக் கொடுப்பதில்லையே என்று நினைக்கும் போதுதான் வேதனையாக இருக்கின்றது.

நாம் சாதாரன ஒரு பொருள் வாங்குவதில் காட்டும் அக்கரையை விட பன்மடங்கு அக்கரையை நம் விஷ‌யத்திலும், நம் மார்க்கம் குறித்த விஷ‌யத்திலும், நாம் எதற்காப் படைக்கப்பட்டோம் என்ற கேள்விக்கு சரியான விடை காண்பதிலும் நாம் ஒவ்வொருவரும் ஆர்வம் காட்டவேண்டும். இது ஒவ்வொரு புத்தி சுவாதீனமுள்ள ஆண், பெண் அனைவர் மீதும் கடமையாகும்.

நாம் மேலே குறிப்பிட்டுக் காட்டியுள்ள ‘ஜின்னையும், மனிதனையும் என்னை வணங்குவதற்காகவே தவிர (வேறு எதற்காகவும்) நான் படைக்கவில்லை’(51:56) என்ற அல்-குர்ஆன் வசனமானது மிகவும் ஆழமான கருத்தை உள்ளடக்கியுள்ளது.

மேலோட்டமாக இவ்வசனத்தை வாசிக்கும் ஒருவர், தொழுகை, நோன்பு, ஜ‌காத், ஹஜ் போன்ற இன்னும் இதர வணக்கங்களிலேயே நம் காலத்தைக் கடத்தினால் ஏனைய விஷ‌யங்களில் நாம் ஈடுபடுவதில்லையா? உழைக்க வேண்டாமா? உண்ண வேண்டாமா? உறங்க வேண்டாமா? குடும்பம் நடத்த முடியாதா? போன்ற கேள்விகளைக் கேட்கலாம். அப்படியானால் இவ்வசனத்தின் கருத்துதான் என்ன?

அதாவது வணக்கம் என்பதனை சுருங்கக்கூறின், அல்லாஹ்வின் ஏவல் விலக்கல்களை கவனத்திற்கொண்டு நம் வாழ்க்கையை அமைத்துக் கொள்வதாகும். அல்-குர்ஆன் மற்றும் சுன்னாவின் வழி காட்டுதல்களுக்கேற்ப‌ நம் ஐம்பெரும் கடமைகள் முதல் தினசரி வாழ்க்கையின் எல்லா அம்சங்களும் அமையுமாக இருந்தால், அவையனைத்தும் வணக்கமாகவே கருதப்படும். எனவே ஒரு உண்மையான இறை அடியான் உறங்குவதும் வணக்கமே! ஏனெனில் அவன் தூங்கும் போதும் நபிகளாரின் நடைமுறைகளைக் கவனத்தில் கொண்டுதான் உறங்குவான், அப்போது தூக்கமும் வணக்கமாக மாறி விடுகின்றன.

ஆக, மனிதப்படைப்பின் முழு நோக்கம், அவன் பிறந்தது முதல் இறக்கும்வரை அனைத்து செயல்களிலும் இறைதிருப்தியை மட்டும் கவனத்திற் கொண்டு, அண்ணலாரின் அடிச்சுவடுகளைப் பேணி நம் வாழ்க்கையை அமைத்துக் கொள்வதேயாகும்.

யா அல்லாஹ்! உன் வழிகாட்டுதல்களைக் பின்பற்றி வாழ்ந்து,அதே நிலையிலேயே மரணித்து, மறுமையில் சுவனத்தை அடையக் கூடிய நற்பாக்கியத்தைத் தந்தருள்வாயாக!

(மௌலவி. முஹம்மது லாஃபிர் மதனி)

8 comments:

  1. மனித படைப்பின் நோக்கம் .........

    சுபுஹான அல்லாஹ் ..இந்தக் கட்டுரையில் எவ்வளவு புரட்சி.

    அல்லாஹ் சுபுஹானவுத்தாலா மனிதனையும்,

    ஜின் வர்க்கத்தினரையும் தன்னை

    வணங்குவதற்காகவே படைத்தான்.

    அழகான ஒரு இறை வசனம் .பேஸ் ..பேஸ் .

    ஆறறிவு படைத்த மனிதா....

    நீ கரண்டை கண்டு பிடித்துவிட்டு பீத்துக் கொள்கிறாய். இங்கே பார்...

    பகுத்தறிவு இல்லாத ஒரு குருவி அந்தரத்தில் கூடு கட்டி,குளு குளு .வசதியுடன் மின் மினி பூச்சியின் மேனியிலிருந்து, ஒலியைப் பெற்று வாழ்வதைப் பார்,

    இதை யார் கற்றுக் கொடுத்தது அவைகளுக்கு ?

    ஆறறிவு படைத்த மனிதா ...

    நீ செத்து பிணமாக ரோட்டில் கிடக்கும்போது

    உன்னை, என்ன செய்வது என்றுத் தெரியாமல் மனிதக் கூட்டத்தினர்,
    விழிப் பிதுங்கிப் போயி நின்றனர்.

    பகுத்தறிவு இல்லாத காக்கா கூட்டத்தைப் பார்த்துதானே சவத்தை குழியில் புதைக்க ஆரம்பித்தாய்.

    அப்போ அந்த காக்கா கூட்டத்திற்கு கற்றுக் கொடுத்தது யார் ?

    நீ எட்டடுக்கு மாளிகை கட்டலாம், ஏன் என்றால் உனக்கு பகுத்தறிவு இருக்கு.உதவிக்கு பொக்ரான் எந்திரம் இருக்கு .

    ஆனால் கரையானை பார்த்தாயா..

    அதுவும் பகுத்தறிவு இல்லாத ஒரு மில்லி மீட்டர் பூச்சிதான், அது கட்டியிருக்கும் மாளிகையை நீ கண்டால் வெட்கப் படுவாய்.

    பனிரெண்டு அடி நீளத்தில் வீடு, மழைப் பெய்தாலும் கரையாத மண்ணு ,மின்சார வசதி (மின் மினி பூச்சி) குளு குளு அறை,பால்க்கனி,எதிரிகளிடமிருந்து பாதுகாக்க சுரங்கப் பாதை .இன்னும் ஏராலம் ..ஏராலம்,

    எழுதுவதற்குத்தான் சமயம் போதாது.இவைகளுக்கு கற்றுக் கொடுத்தது யார் ? சிந்தித்து பார் .

    இப்படியே எழுதிக் கொண்டே போகலாம் ..அதனாலே நாம் படைக்கப் பட்ட நோக்கத்தை தெரிந்து கொண்டு, இறைவனுக்கு நன்றி செலுத்துபவாராக, மாறிவிட இந்த புனித மிகும் ரமழானில் சத்தியம் செய்வோம்.

    இந்தக் கட்டுரையை அழகாக பதிவு செய்த ஆசிரியருக்கு நன்றி .





    .

    ReplyDelete
  2. மனித படைப்பின் நோக்கம் .........

    சுபுஹான அல்லாஹ் ..இந்தக் கட்டுரையில் எவ்வளவு புரட்சி.

    அல்லாஹ் சுபுஹானவுத்தாலா மனிதனையும் ஜின் வர்க்கத்தினரையும் தன்னை வணங்குவதற்காகவே படைத்தான்.

    அழகான ஒரு இறை வசனம் .பேஸ் ..பேஸ் .

    ஆறறிவு படைத்த மனிதா..

    நீ கரண்டை கண்டு பிடித்துவிட்டு பீத்துக் கொள்கிறாய்.

    இங்கே பார்... பகுத்தறிவு இல்லாத ஒரு குருவி அந்தரத்தில் கூடு கட்டி,குளு குளு .வசதியுடன் மின் மினி பூச்சியின் மேனியிலிருந்து, ஒலியைப் பெற்று வாழ்வதைப் பார்,

    இதை யார் கற்றுக் கொடுத்தது அவைகளுக்கு ?

    ஆறறிவு படைத்த மனிதா ...

    நீ செத்து பிணமாக ரோட்டில் கிடக்கும்போது உன்னை, என்ன செய்வது என்றுத் தெரியாமல் மனிதக் கூட்டத்தினர், விழிப் பிதுங்கிப் போயி நின்றனர்.

    பகுத்தறிவு இல்லாத காக்கா கூட்டத்தைப் பார்த்துதானே சவத்தை குழியில் புதைக்க ஆரம்பித்தாய்.

    அப்போ அந்த காக்கா கூட்டத்திற்கு கற்றுக் கொடுத்தது யார் ?

    நீ எட்டடுக்கு மாளிகை கட்டலாம்.

    ஏன் என்றால் உனக்கு பகுத்தறிவு இருக்கு.உதவிக்கு பொக்ரான் எந்திரம் இருக்கு .

    ஆனால் கரையானை பார்த்தாயா..

    அதுவும் பகுத்தறிவு இல்லாத ஒரு மில்லி மீட்டர் பூச்சிதான்.

    அது கட்டியிருக்கும் மாளிகையை நீ கண்டால் வெட்கப் படுவாய்.

    பனிரெண்டு அடி நீளத்தில் வீடு.

    மழைப் பெய்தாலும் கரையாத மண்ணு.

    மின்சார வசதி (மின் மினி பூச்சி)

    குளு குளு அறை,பால்க்கனி.

    எதிரிகளிடமிருந்து பாதுகாக்க சுரங்கப் பாதை.

    இன்னும் ஏராலம் ..ஏராலம் எழுதுவதற்குத்தான் சமயம் போதாது.

    இவைகளுக்கு கற்றுக் கொடுத்தது யார் ?

    சிந்தித்து பார் .

    இப்படியே எழுதிக் கொண்டே போகலாம் ..

    அதனாலே நாம் படைக்கப் பட்ட நோக்கத்தை தெரிந்து கொண்டு,

    இறைவனுக்கு நன்றி செலுத்துபவாராக, மாறிவிட இந்த புனித மிகும் ரமழானில் சத்தியம் செய்வோம்.

    இந்தக் கட்டுரையை அழகாக பதிவு செய்த ஆசிரியருக்கு நன்றி .





    .

    ReplyDelete
  3. @ Mohamed Ayoub K....

    உங்கள் கருத்து அழகாக உள்ளது, மாஷா அல்லாஹ்! இறைவனின் படைப்பில் சிந்திக்கவேண்டியது ஆயிரமாயிரம் உள்ளன! அவற்றை முடிந்தவரை, தெரிந்தவரை தொகுத்து வெளியிடுவோம், இன்ஷா அல்லாஹ்!

    ReplyDelete
  4. http://www.myalagankulam.com/



    அஸ்ஸலாமு அலைக்கும் அக்கா

    இதுதான் எங்க மலைசியா ஜமாத்தின் இணைய தளம்,இதன் வாயிலாகத்தான் நாங்கள்

    எல்லா நற்க்கரியமும், ஏழை எளிய மக்களுக்கு செய்றோம்.

    நான் இதை ஏன் உங்களிடம் சொல்லுகிறேன் என்றால் இந்த தளத்தில் எம் .எ .சலாம்

    என்கிறவர், மார்க்கப் பற்றுள்ளவர், அவரின் மூலம் நாங்கள் நிறையா இஸ்லாத்தைப் பற்றிய அறிவை

    வளர்த்துக் கொள்கிறோம். தற்போது அவர் அமெரிக்காவில் உள்ளார் .

    இன்ஷா அல்லாஹ் எனக்கு தெரிந்த மார்க்க பற்றுள்ள தொகிப்பினை தருகிறேன்..

    ReplyDelete
  5. //இந்த தளத்தில் எம் .எ .சலாம்

    என்கிறவர், மார்க்கப் பற்றுள்ளவர், அவரின் மூலம் நாங்கள் நிறையா இஸ்லாத்தைப் பற்றிய அறிவை

    வளர்த்துக் கொள்கிறோம். தற்போது அவர் அமெரிக்காவில் உள்ளார் .

    இன்ஷா அல்லாஹ் எனக்கு தெரிந்த மார்க்க பற்றுள்ள தொகிப்பினை தருகிறேன்..//

    குர்ஆன், ஹதீஸ் மட்டும் சந்பந்தப்பட்ட‌ தொகுப்பாக இருந்தால் நல்லது.

    ReplyDelete
  6. மாஷா அல்லாஹ்.இது போன்ற தரமான பதிவுகளை அதிகமதிகம் வெளியிடுங்கள் சகோதரி!.உங்கள் வலைத்தள அமைப்பு அழகாக உள்ளது

    ReplyDelete
  7. @ ஒ.நூருல் அமீன் ....

    //இது போன்ற தரமான பதிவுகளை அதிகமதிகம் வெளியிடுங்கள் சகோதரி!//

    இன்ஷா அல்லாஹ், துஆ செய்யுங்கள்.

    //உங்கள் வலைத்தள அமைப்பு அழகாக உள்ளது//

    உங்கள் கருத்துக்கு நன்றி, தொடர்ந்து வாங்க!

    ReplyDelete
  8. அருமை சகோதரி

    ReplyDelete

உங்கள் கருத்துக்கள் வரவேற்கப்படுகின்றன!

.