ஸ்டார் ஒயர் கூடை பின்னுவது எப்படி? (பாகம் - 4)

முதல் பாகத்தைக் காண 
இரண்டாவது பாகத்தைக் காண
மூன்றாவது பாகத்தைக் காண

ஸ்டார் ஒயர் கூடை பின்னும் முறைகள் முழுவதும் முதல் 3 பாகங்களில் படங்களுடன் விளக்கப்பட்டுள்ளது. மேலே கொடுத்திருக்கும் இணைப்புகளை க்ளிக் பண்ணிப் பார்க்கவும். இப்போது கூடைக்கான 'கைப்பிடி' பின்னும் முறையை இந்த 4 ஆவது பாகத்திலே காணலாம்! இதில் எந்தளவுக்கு முடியுமோ அந்தளவு விளக்கமாக கூறப்பட்டுள்ளது. ஒவ்வொரு ஸ்டெப்பையும் கவனமாகவும் பொறுமையாகவும் படிக்கவும். அதற்கு மேலும் புரியாதவர்கள் தாராளமாக பின்னூட்டத்தில் கேட்கலாம் :)

♔ ஸ்டெப் A:

5¾ மீட்டர் அளவுக்கு 2 மஞ்சள் ஒயர்களையும், அதே அளவுக்கு புளூ ஒயர் ஒன்றையும் வெட்டி எடுத்து, 3 ஒயர்களையும் அதன் பள்ளமான பகுதிகள் ஒன்றோடு ஒன்று படியும்படி (மஞ்சள், புளூ, மஞ்சள் என்று வருவதுபோல்) அடுக்கிக் கொண்டு, சமபாதியாக மடக்கி, கூடையின் மேல் புறமாகவுள்ள‌ புளூ கலர் சதுரத்தின் கீழ் முனையில் சோவிகளின் இடையே சொருகவும்.

♔ ஸ்டெப் B: 

இப்போது இடப்புறம் 3 ஒயர்களும், வலப்பக்கம் 3 ஒயர்களுமாக 6 ஒயர்கள் போல தெரியும். உள்பகுதியிலுள்ள முதல் 2 மஞ்சள் ஒயர்களில் (படத்தில் காட்டியுள்ளபடி) இடது பக்க ஒயரை முதலிலும், வலது பக்க ஒயரை அதன்மேல் இரண்டாவதுமாக வைத்து பிடித்துக் கொள்ள‌வும்.

♔ ஸ்டெப் C:

அடுத்து அதன்மேல் இடது பக்கமுள்ள புளூ ஒயரை வலது பக்கமாகவும், வலது பக்கமுள்ள புளூ ஒயரை இடது பக்கமாகவும் கொண்டு வரவும். (இவ்வாறு ஒவ்வொரு முறை பின்னும்போதும் இடது பக்கமும் வலது பக்கமும் வரக்கூடிய ஒயர்களை இறுக்கமாக பிடித்துக் கொண்டே வரவேண்டும். இல்லாவிட்டால் பின்னல் பிரிந்துவிடும்.)

♔ ஸ்டெப் D:

இந்த மூன்றாவது பின்னல் சற்று வித்தியாசப்படும். அதாவது முந்திய பின்னல்களில் 4 ஒயர்களையும் ஒன்றன்மேல் ஒன்றாக பின்னியதுபோல் அல்லாமல், 5 வது ஒயரை மட்டும் (இடமிருந்து வலமாக படத்தில் காட்டியுள்ளதுபோல்) மேல்பக்கம் கொண்டு வந்து, வலப்பக்கமுள்ள 6 வது ஒயரை (வலப்பக்கமுள்ள) 3 ஒயர்களுக்கும் கீழாக (வலமிருந்து இடமாக) கொண்டு வரவும். ஸ்டெப் B யில் காட்டியுள்ள 2 வது ஒயர்தான் இப்போது இடப்பக்கத்தின் மேலே உள்ள மஞ்சள் ஒயர் ஆகும்.

♔ ஸ்டெப் A:

இடப்பக்கமிருக்கும் 2 வது (மஞ்சள்) ஒயரை அடிப்பக்கமாக வலப்பக்கம் கொண்டுவந்து, நடுவிலுள்ள மஞ்சள் ஒயர் மீது வைத்து, மீண்டும் இடப்பக்கத்திற்கு இழுக்கவும்.

♔ ஸ்டெப் B: 

அதேபோல் வல‌ப்பக்கமிருக்கும் 1 வது (மஞ்சள்) ஒயரை அடிப்பக்கமாக இடப்பக்கம் கொண்டுவந்து, நடுவிலுள்ள மஞ்சள் ஒயர் மீது வைத்து, மீண்டும் வலப்பக்கத்திற்கு இழுக்கவும்.

புரிதலுக்காக மீண்டும் அதே ஸ்டெப்ஸ் வேறு படங்களுடன்

♔ ஸ்டெப் A & B:

இப்போது இடப்பக்கம் இருக்கும் புளூ ஒயர் 4 வது ஒயர்,  வல‌ப்பக்கம் இருக்கும் புளூ ஒயர் 3 வது ஒயர் ஆகும். முந்திய ஸ்டெப்பில் சொன்னதுபோல் இட‌ப்பக்க ஒயரை அடிப்பக்கமாக கொண்டு வந்து வளைத்து மீண்டும் இட‌ப்பக்கமாகவும், வலப்பக்க ஒயரை அடிப்பக்கமாக கொண்டு வந்து வளைத்து மீண்டும் வல‌ப்பக்கமாகவும் பின்னவும்.

♔ ஸ்டெப் A:

இப்படியே ஒயர் முழுதும் பின்னி முடித்து கடைசியாக சுமார் 7, 8 இன்ச் அளவுக்கு மட்டும் பின்னாமல் விடவும்.

♔ ஸ்டெப் B:

பின்னாமல் விட்ட ஒயர்களின் மீதியை மும்மூன்று ஒயர்களாக பிரித்து (படத்தில் காட்டியுள்ளபடி) பின்னல் பிரிந்துவிடாமல் முதலில் ஒரு முடிச்சு போடவும். (இந்த முடிச்சை கடைசிவரை அவிழ்க்கக் கூடாது). அதன் மேல் இன்னொரு முடிச்சும் போடவும். இரண்டாவது போடக்கூடிய இந்த முடிச்சை (கடைசியாக) கூடையுடன் இணைக்கும்போது அவிழ்த்து விடவேண்டும்.

♔ ஸ்டெப் A:

12 இன்ச் அளவுள்ள ஒயர் ஒன்றை வெட்டி எடுத்துக்கொண்டு, பின்னிய பிடியை கூடை மீது இடப்பக்கமாக 7 - வது சோவி வரை வளைத்து, வெட்டி வைத்துள்ள அந்த துண்டு ஒயரை (இடப்பக்க வளைவில்) அதன் மீது சொருகி....

♔ ஸ்டெப் B:

உள்பக்கமாக இறுக்கி ஒரு முடிச்சு போட்டு, இரண்டு பக்கமும் வரக்கூடிய ஒயரை பக்கத்திலுள்ள 4, 5 சோவிகளில் சொருகி மீதியை வெட்டவும். (ஸ்டெப் B யின் படத்தைப் பார்க்கவும்.)

♔ ஸ்டெப் A:

வளைத்த பிடியை இப்போது பிடி ஆரம்பித்த இடத்திற்கு மீண்டும் கொண்டு வந்து, அதேபோல் இன்னொரு துண்டு ஒயரைக் கொண்டு சொருகி, (ஸ்டெப் C யில் காட்டியுள்ளபடி இந்த முடிச்சுக்குள் மீண்டும் ஒயரை சொருகுவதற்காக‌) மீண்டும் அவிழ்க்கும் வண்ணம் இறுக்காமல் மெதுவாக முடிச்சுப் போட்டு வைக்கவும்.

♔ ஸ்டெப் B:

இப்போது பிடியை வலது பக்கமாக 7 - வது சோவி வரை வளைத்து நடுவிற்கு கொண்டு வந்து, வெட்டி வைத்துள்ள இன்னொரு துண்டு ஒயரை (வல‌ப்பக்க வளைவில்) அதன் மீது சொருகி உள்பக்கமாக இறுக்கி ஒரு முடிச்சு போட்டு, முன் சொன்னதுபோல் இரண்டு பக்கமும் வரக்கூடிய ஒயரை பக்கத்திலுள்ள 4, 5 சோவிகளில் சொருகி மீதியை வெட்டவும்.

♔ ஸ்டெப் C:

அடுத்து அந்த பிடியை கீழேயுள்ள மஞ்சள்நிற சதுர‌த்திற்கு மீது கீழ்நோக்கி வளைத்து நடுவிற்கு கொண்டு வந்து, கீழே நம்பர் 1 என்று குறியிட்டு காட்டியுள்ள இடத்தில் ஒரு துண்டு ஒயர் கொண்டு முடிச்சு போட்டுவிட்டு, இறுக்காமல் மெதுவாக போட்டு வைத்த நடு (நம்பர் 2) முடிச்சை லூஸ் பண்ணியெடுத்து, இப்போது வளைத்த பிடியையும் சேர்த்து அந்த துண்டு ஒயரை மீண்டும் சொருகி உள்பக்கமாக இறுக்கி முடிச்சு போட்டு, இரண்டு பக்கங்களிலுமுள்ள சோவிகளில் ஒயரை சொருகி மீதியை வெட்டவும்.

♔ ஸ்டெப் D:

இது பிடி பின்னும் முறையின் கடைசி ஸ்டெப். நடுவிற்கு கொண்டு வந்த பிடியை இப்போது மேல்நோக்கி வளைத்து, மீண்டும் நடுவிற்கு (ஆரம்பித்த இடத்தில்) கொண்டு வந்து, 5 - வது படம், ஸ்டெப் B யில் சொல்லியிருந்தது போல கைப்பிடி பின்னலின் கடைசியில் இரண்டாவது போட்ட முடிச்சை மட்டும் அவிழ்த்து விட்டு, படத்தில் காட்டியுள்ளபடி 3 + 3 ஒயர்களை சொருகவும்.

♔ ஸ்டெப் A:

6 ஒயர்களை ஒன்றாக சேர்த்து முடிச்சு போடுவதால் உள்ளே பொருட்கள் வைக்கும்போது இடிக்கும் என்பதால், அந்த 3 + 3 ஒயர்களில் முதலில் ஒரு முடிச்சு மட்டும் போட்டுவிட்டு, (படத்தில் காட்டியுள்ளபடி) அவற்றை இரண்டிரண்டாக பிரித்து பக்கவாட்டில் சிறிய முடிச்சுகளாகப் போட்டு சோவிகளில் சொருகவும்.

♔ ஸ்டெப் B:

இப்போது மேல் நோக்கி வந்துள்ள பிடி மட்டும் கூடையுடன் இணையாமல் இருக்கும். அதனால் படத்தில் அம்புக் குறியிட்டு காட்டியுள்ள இரண்டு இடங்களிலும் துண்டு ஒயர் கொண்டு முடிச்சுப் போடவும். இதேபோல் இன்னொரு பக்கமும் பிடி பின்னவும்.

♔ ஸ்டெப் A & B:

மெட்டல் ஃபுட்ஸை (Foots) அடிப்பக்கத்தில் சொருகி, உள்பக்கம் மடக்கவும். பொதுவாக கூடைகளின் அளவுக்கு தகுந்தமாதிரி 4 அல்லது 6 ஃபுட்ஸ்கள்தான் வைப்பார்கள். கூடுதல் சேஃப்டிக்காக நம் விருப்பப்படி மேலும் சில ஃபுட்ஸ்களைக் கூட்டிக் கொள்ளலாம்.

♔ அழகிய ஸ்டார் ஒயர்கூடை ரெடி!

குறிப்பு:‍

♔ இந்த கூடைக்கான பிடியை பூ வடிவில் வளைக்காமல், சாதாரண கூடைகளுக்கு பின்னுவதுபோலும் போடலாம். கூடையின் அழகைக் கூட்டவே இந்த மாடல் பிடி பின்னுவார்கள்.

♔ நீளமான பிடியாக இருப்பதாலும் பூ வடிவில் வளைத்து, வளைத்து இணைத்திருப்பதாலும் ஆரம்பத்தில் பிடி வளைந்து, நெளிந்து இருப்பதுபோல் தெரியும். அதனால் இரண்டு பக்கமும் பிடிகளைப் பின்னி முடித்த பிறகு, சற்று கனமான பொருளைக் கூடையினுள் வைத்து ஓரிரு நாட்கள் மாட்டி வைத்தால் நேராகிவிடும்.

(முற்றும்)