நட்ஸ் குல்ஃபி

என் ப்ளாக்கில் கொடுக்கும் முதல் ரெசிபி என்பதால் ஸ்வீட் & கூலாக செலக்ட் பண்ணி இந்த "நட்ஸ் குல்ஃபி" யைக் கொடுத்துள்ளேன். செய்து பார்த்துவிட்டு சொல்லுங்கள்!

தேவையான பொருட்கள்:

ஃப்ரெஷ் க்ரீம் ‍ - 300 மில்லி

கன்டன்ஸ்டு மில்க் (சுகர் சேர்த்தது) - 500 மில்லி

விப்பிங் க்ரீம் - 200 மில்லி

கன்டன்ஸ்டு மில்க் (சுகர் இல்லாதது) - 350 மில்லி

ஏலக்காய் பொடி ‍- 3/4 ஸ்பூன்

பாதாம் பருப்பு(தோல் எடுத்து, பொடிதாக நறுக்கியது) - 5 ஸ்பூன்

பிஸ்தா (பொடிதாக நறுக்கியது) - 3 ஸ்பூன்

குங்குமப்பூ - 1 பின்ச்

சீனி ‍‍ - 2 ஸ்பூன்

செய்முறை:

முதலில் குங்குமப்பூவை சீனியுடன் சேர்த்து (கிச்சன் உரலில் போட்டு)பொடியாக்கவும்.

மற்ற அனைத்து பொருட்களையும் ஒரு பாத்திரத்தில் கொட்டி, அத்துடன் பொடியாக்கிய குங்குமப்பூவை சேர்க்கவும்.

பிறகு ஒரு பீட்டரால் நன்கு கலக்கவும்.

பருப்பு வகைகள் அடியில் தங்கும் முன்பே ஒரு குல்ஃபி மோல்டில் ஊற்றவும்.

சுமார் 2 மணி நேரம் ஃப்ரீஜரில் வைக்கவும்.

2 மணி நேரம் கழித்து ஒரு ஸ்பூனால் கலக்கிவிட்டு மீண்டும் 1 மணி நேரம் வைக்கவும்.

பிறகு மோல்டின் வெளிப்பக்கம் தண்ணீர் விட்டு, எடுப்பதற்கு சுலபமாக வந்தவுடன் எடுத்து பரிமாறவும்.

குழந்தைகளின் ஃபேவரைட்டான இந்த நட்ஸ் குல்ஃபியை நம் வீட்டிலேயே சுலபமாக தயார் செய்து கொடுக்கலாம்.

குறிப்பு:- பாதாம் பருப்பு தோல் எடுத்து, பொடிதாக நறுக்கியது அப்படியே ரெடிமேடாக கிடைக்கும். அதை வாங்கி வைத்துக் கொண்டால் சுலபமாக இருக்கும்.